АҚШ-тың Лейк-Плэсид қаласында өтіп жатқан Қысқы Универсиадада қазақстандық биатлоншы Бекентай Тұрлыбеков топ жарды. Осылайша, Қазақстан құрамасының қоржыны тағы бір алтын медальмен толықты, деп хабарлайды KAZ.NUR.KZ-ке сілтеме жасаған kazlenta.kz
Бүгін биатлоннан ерлер арасында спринттен жарыс өтті. Қатысушылар 10 шақырымды еңсеру керек болатын. Мәреге бірінші болып Бекентай Тұрлыбеков жетті. Оның көрсеткіші: 27:51,5. Америкалық Бьорн Вестервельт 27:59,8 нәтижемен күміс жүлдегер атанды. Ал қазақстандық Александр Мухин 28:13,7 есебімен қола жүлде жеңіп алды. Төртінші және бесінші орындарды тиісінше Қазақстан құрамасының өкілдері Кирилл Бауэр және Вадим Куралес бөлісті.
Айта кетейік, қазір еліміздің қоржынында үш алтын бар. Бұған дейін Данил Васильев (шаңғымен секіру) мен Вадим Куралес (биатлон) бірінші болды. Универсиада 22 қаңтарда аяқталады. Жарыстарға әлемнің 50 елінен 1500-ге жуық студент қатысуда. Барлығы 12 спорт түрінен 86 медаль жиынтығы бәйгеге тігілген. Қазақстан атынан 10 спорт түрінен 78 спортшы қатысуда.
19-01-2023, 16:04
Биатлоншы Бекентай Тұрлыбеков Қазақстан қоржынына үшінші алтынды сыйлады
Егер мәтінде қате байқасаңыз, оны таңдап, Ctrl+Enter пернелерін басыңыз