"Қазгидромет" РМК жұма, 11 қарашада еліміздің ірі қалаларында ауа райы қандай болатынын болжады, деп жазады kazlenta.kz
Синоптиктердің болжамынша, бүгін Алматы мен Шымкентте жауын-шашынсыз ауа райы күтіледі, ал Астанада қар жауып, жел күшейеді. Жұмада Алматыда ауа температурасы +6...+8 градусты көрсетеді. Сондай-ақ, екпіні 0-5 м/с болатын жел тұруы ықтимал. Қалада қалың тұман күтіледі, сондықтан мегаполисте дауылдық ескерту жарияланып отыр.
Ал Астанада метеорологтардың мәліметінше, қар жауады. Термометр бағанасы +1...-1 градусқа дейін төмендейді. Елорда тұрғындарына желдің екпіні секундына 9-14, кейде 15-20 метрге дейін күшейетіні ескертіледі. Сонымен қатар, көктайғақ пен қарға байланысты елордада да дауылдық ескерту жарияланды. Шымкентте бүгін жауын-шашынсыз, +8...+10 градус жылы, желдің жылдамдығы 3-8 м/с дейін жетеді.
11-11-2022, 09:13
Қалың тұман, қар: Алматы мен Астанада дауылдық ескерту жарияланды
Егер мәтінде қате байқасаңыз, оны таңдап, Ctrl+Enter пернелерін басыңыз