Қазақстан Ұлттық Банкі номиналдық құны 20 000 теңгелік банкнотты айналымға шығарады. Ол 2022 жылдың 1 қазанынан бастап қолданысқа енгізіледі, деп хабарлайды Ұлттық Банктің ресми сайтын асілтеме жасаған kazlenta.kz
Ұлттық Банктің хабарлауынша, банкнот айналымдағы ақша белгілерімен бірыңғай стильде жасалған. Бет жағында көбіне тігінен орындалған бейнелер, сырт жағында көлденең орындалған бейнелер орналасқан. Дизайны номиналдың голографиялық бейнесі тігінен орналасқан металсыздандырылған жолақты қолдана отырып жасалған. "Банкноттың 25 қорғаныш элементі бар, мөлшері 155х79 мм және сұр түске басымдық берілген.
Бет жағында Қазақстан Республикасының Мемлекеттік рәміздері, "Қазақ Елі" монументі, "Мәңгілік Ел" салтанат қақпасы, "Басқұр" қазақ ұлттық ою-өрнегінің фрагменті және тәуелсіздік жылдарын білдіретін "30" саны бейнеленген", - делінген хабарламада.
1-10-2022, 11:09
Ұлттық Банк жаңа 20 мың теңгелік банкнотты айналымға шығарды
Егер мәтінде қате байқасаңыз, оны таңдап, Ctrl+Enter пернелерін басыңыз