Ru  Kz
Барлық жаңалықтар

Қазақстанда дизель отыны тапшылығы бола ма

Қазақстанда дизель отыны тапшылығы бола ма
Фото: pixabay.com

2022 жылғы қаңтар–шілдеде дизель отынын өндіру көлемі 3,1 млн тоннаны құрады, бұл барлық уақыттағы сәйкес кезеңдегі ең жоғары көрсеткіш. 2021 жылдың қаңтар-шілде айларымен салыстырғанда дизель отынын өндіру 9,2% өсті, деп хабарлайды Energyprom.kz 


ҚР Энергетика министрі Болат Ақшолақовтың айтуынша, 2022 жылға арналған дизельдік отын өндірісінің болжамы 5,2 млн тонна — 2021 жылға қарағанда 300 мың тоннаға, ал 2020 жылға қарағанда 600 мың тоннаға артық.


ҚР Энергетика министрлігінің 2022 жылға арналған дизель отынын тұтыну болжамы 5,5 млн тоннаға жуық, бұл 2020 жылға қарағанда 500 мың тоннаға, ал 2021 жылға қарағанда 90 мың тоннаға артық.


Сонымен бірге, ҚР СЖРА ҰСБ мәліметінше, 2022 жылдың бірінші жартыжылдығында ішкі нарықта дизельдік отынды сату көлемі 2,7 млн тоннаны құрады, бұл 2021 жылдың осы кезеңімен салыстырғанда 18,9% немесе 427,6 мың тоннаға артық. Осы кезеңде өндіріс 13,9%, яғни 2,7 млн тоннаға дейін өсті. 2022 жылдың бірінші жартыжылдығында дизельдік отынның импорты небәрі 23,3 мың тоннаны құрады, бұл 2021 жылдың бірінші жартыжылдығымен салыстырғанда 3,7 есе аз, ал экспорт бірден 5,3 есе, яғни 36,8 мың тоннаға қысқарды.


Тамыз айында егін жинау науқаны басталар алдында Қазақстанда дизельдік отын тапшылығы туындады. ҚР-ның барлық өңірлерін дизельдік отынмен үздіксіз қамтамасыз ету мәселесін шешу үшін комиссия құрылып, жағдайға кері әсер еткен факторлар анықталды, деп хабарлайды primeminister.kz. Тапшылықтың басты себептерінің бірі тұтыну көлемінің, ең алдымен транзиттік көлік есебінен айтарлықтай артуы болса, тағы бір себеп — бағаның төмендеуіне байланысты көршілес елдерге дизельдік отынның ағыны.


Дер кезінде шара қолданбағаны үшін «ҚазМұнайГаз» ҰК АҚ басқарма төрағасы Мирзағалиев пен энергетика вице-министрі Мағауовқа қатаң сөгіс жарияланды. Сондай-ақ тәртіптік шаралар қолданылып, Энергетика министрлігі мен ҚМГ бірқатар жауапты қызметкерлерімен еңбек қатынастары тоқтатылды.


2022 жылғы тамыз айының қорытындысы бойынша ҚР-да дизель отынының құны айына орта есеппен 0,7% өсті. Ең бастысы, дизель отыны Батыс Қазақстан және Ақтөбе облыстарында қымбаттады: сәйкесінше 3,5% және 3,4%. Бағаның айтарлықтай өсуі Шығыс Қазақстан облысында да байқалды: 2,9%.


2021 жылдың тамызынан бері дизель отыны 35,5% қымбаттады. Өңірлер ішінде бағаның өсуі Алматы* облысында 15,4%-дан Ақмола облысында 58,4%-ға дейін ауытқиды.


Елімізде тамыз айында жазғы дизель отынының бір литрінің орташа бөлшек сауда бағасы 238 теңгені құрады. Ең жоғары баға Қостанай мен Петропавлда (литріне 260 теңге), ең төменгісі Ақтауда (литріне 225 теңге) тіркелді.

скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Таэквондомен айналысқан Димаш Құдайберген көпті таң қалдырды
Мақпал Жүнісова екінші рет тұрмысқа шықпауының себебін айтты
Ләйлә Сұлтанқызы марқұм күйеуіне жантебірентерлік жазба арнады
Тәуекел Мүсілім әйелі мен ұлын перзентханадан шығарып алды
Жазира Байырбекова тылсым күштің барына сенетінін айтты
Мультимедиа
Астанада Халықтық коалицияның ұйымдастыру комитеті жиын өткізді
Шымкентте мектеп мұғалімдері жасыл алаңда кездесті
Жамбылдық полицейлер Шу тұрғынынан 200 келіге жуық есірткі тәркіледі
Lexus мініп каналға түсіп кеткен тараздық түлектің жаңа видеосы жарияланды
Ұлттық ұланның авиациясы екі жаңа тікұшақпен толықты