Бүгін Мемлекет басшысы Қасым-Жомарт Тоқаев 69 жасқа толды , деп хабарлайды kazlenta.kz.
Қасым-Жомарт Тоқаев 1953 жылы 17 мамырда Алматыда дүниеге келген. Есенберлин атындағы № 25 Алматы гимназиясында оқыған.
Қ.К.Тоқаев 1975 жылы Мәскеу мемлекеттік халықаралық қатынастар институт бітірген. КСРО-ның Қытай Халық Республикасындағы елшілігінде диплом алдындағы тағылымдамадан өткен. 1983-1984 жылдар аралығында Бейжің лингвистика институтында тағылымдамадан өтті. 1992 жылы Ресей Федерациясы Сыртқы істер министрлігінің Дипломатиялық академиясын тәмамдады.Халықаралық қатынастар мәселелеріне арналған 10 кітаптың авторы.
Қазақстан Республикасының және шет елдердің көптеген мемлекеттік наградаларымен, сондай-ақ медальдармен марапатталған.
Саламатты өмір салтын ұстанады. Көркем шығармаларды, саяси және мемуарлық бағыттағы әдебиеттерді оқығанды ұнатады.
Қасым-Жомарт Кемелұлы қазақ, орыс, ағылшын, қытай және француз тілдерінде еркін сөйлейді.