Әлемдік бокс ұйымы (WBO) қазақстандық боксшы Қанат Исламның (27-0, 21 КО) намибиялық Уолтер Каутондокваны (18-2, 17 КО) жеңгеніне қатысты пікір білдірді деп хабарлайды Sports.kz.
Ислам төрешілердің бір ауыздан шешімімен жеңіске жетті. Ол WBO International нұсқасы бойынша бірінші орта салмақтағы чемпион белбеуін қорғады. Осы жеңістен кейін WBO қазақстандық боксшыны өз рейтингісінде көтеруге уәде берді.
"Ислам — WBO рейтингісінде 8-і нөмірде тұр және одан әрі көтерілетін сияқты. Бұл Қанат үшін жақсы кештің бірі емес, алайда ол жеңу үшін жеткілікті нәрсе жасады", - деп атап өтті WBO.
Айта кетейік, қазақстандық жанкүйерлердің Қанат Исламның жеңісіне көңілі толған жоқ.
Олардың ойынша, төрешілер оған тым мейірімді болған. Ал жеңіске Каутондоква лайық болыпты.
Естеріңізге сала кетейік, 26 қазан күні Қанат Ислам намибиялық боксшы Каутондокваны жеңді.
Сондай-ақ, Алматы әкімі Бақытжан Сағынтаев қазақстандық спортшыны жеңісімен құттықтады.