Қарағандыда 24 жастағы көлік ұрысы ұсталды, деп хабарлайды Polisia.kz.
12 қарашада сағат 01:40 шамасында Қарағанды қаласының Октябрь полиция бөліміне 14-шағын ауданда автокөлік ұрланғаны туралы хабарлама келіп түсті. Оқиға орнына бірнеше минуттан кейін Қарағанды қаласының ПБ патрульдік полиция полкінің жасағы келді. Жәбірленуші 48 жастағы қала тұрғыны жұмысқа оралған соң көлігін көпқабатты үйдің ауласына қойғанын түсіндірді. Түнгі уақытта көліктің дабылы қосылып, терезеден қарап көліктің жоғалып кеткенін білген. Келтірілген шығын көлемі 500 мың теңгені құрады.
Полицейлер ұрланған көлікті тез тауып алды. Көлікті ұрлаған 24 жастағы жігіт ұсталды. Көлік тәркіленіп, иесіне қайтарылды.ҚР Қылмыстық кодексінің 200-бабы (Автокөлікті ұрлау мақсатынсыз заңсыз иемдену) бойынша қылмыстық іс қозғалды. Қазіргі уақытта тергеу амалдары жүргізілуде.