Алматыда шетелдік есірткі сатушы ұсталды, – деп хабарлайды kazlenta.kz тілшісі Polisia.kz сайтыына сілтеме жасап.
26 жастағы Станислав Конаков, есірткі қылмысын жасағаны үшін Ресей Федерациясы ІІМ-мен мемлекетаралық іздеуге жарияланған.
Сот оған бұлтартпау шарасы ретінде үйқамаққа алу туралы шешім қабылдаған болатын.
Алайда, күдікті қашып кеткен.
Жедел-іздестіру шараларының нәтижесінде қашқынды Алматы қаласы ПД есірткі қылмысына қарсы күрес басқармасының қызметкерлері қолға түсірді. Ол қаладағы тұрғын үйлердің бірінде жасырынып жүрген.
Күдікті уақытша ұстау изоляторына қамалды.
Оны Ресей Федерациясына экстрадициялау мәселесі шешілуде.