Ru  Kz
Барлық жаңалықтар

ІІМ “Тосқауыл” операциясын жүргізіп жатыр

ІІМ “Тосқауыл” операциясын жүргізіп жатыр
Фото: polisia.kz

Ішкі істер органдары 5 ақпаннан бастап ел аумағында “Тосқауыл” жедел-профилактикалық іс-шарасын өткізіп жатыр. Оның мақсаты – нашақорлықтың алдын алу шараларының тиімділігін арттыру және есірткі құқық бұзушылықтарын анықтау, – деп хабарлайды kazlenta.kz тілшісі Polisia.kz сайтына сілтеме жасап.

– Азаматтармен кең ауқымды профилактикалық жұмыс жүргізілуде. Полиция, әкімдік қызметкерлері, үкіметтік емес ұйым өкілдерінің қатысуымен кездесулер, 286 дәрістер, акциялар, дөңгелек үстелдер, спорттық және басқа да есірткіге қарсы іс-шаралар ұйымдастырылды. Есірткі заттарының жарнамасы бар граффитилерді өшіруде полицияға еріктілер көмек көрсетеді, – деді ҚР ІІМ есірткі қылмысына қарсы іс-қимыл департаменті бастығының орынбасары Бақытжан Әмірханов.

“Тосқауыл” операциясы басталғалы бері екі есірткі зертханасы жойылды.

Мәселен, Алматы қаласында жеке үйде синтетикалық есірткі өндіретін зертхана анықталды. Синтетиканы дайындауға арналған жабдықтар, оның ішінде реакторлар, вакуумдық сорғылар, магниттік араластырғыштар, сондай-ақ қаскөйлердің есірткі бизнесіне қатысы бар екенін растайтын ақша айналымы туралы жазбалар және 13 кг астам “мефедрон” тәркіленді.

Маңғыстау облысында каннабис тобының есірткі өсімдіктері өсірілетін фитозертхана таратылды. Ол жерден арнайы жылытқыш жабдық, тамшылатып суару жүйесі мен жарықтандыру аппаратурасы тәркіленді.

Шымкент-Жетісай тас жолында полиция қызметкерлері Toyota Camry 40 маркалы автокөлігін тоқтатты. Оның жүксалғышынан жалпы салмағы 65 кг кептірілген марихуана салынған төрт полипропилен қап табылды.

– “Тосқауыл” операциясы аясында көші-қон қызметінің қызметкерлерімен бірлесіп күн сайын шетел азаматтары мен олардың тұратын жерлеріне тексеру жүргізіледі. Операция басталғалы бері көші-қон заңнамасын бұзудың 772 дерегі анықталып, 141 адам елден шығарылды.

Қызметтік иттердің қатысуымен көлік объектілеріне, автокөлік құралдарына, жүктерге, пошта бөлімшелері мен басқа да нысандарға тексеру жүргізіледі. Олардың көмегімен 23 есірткі қылмысы анықталды. Сондай-ақ полиция қызметкерлері қаруды заңсыз сақтаудың 24 фактісін анықтады, – деді Бақытжан Әмірханов.

Операцияның үш күнінде барлығы 130 қылмыстық құқық бұзушылық анықталды, оның ішінде есірткі өткізудің 32 фактісі, аса ірі мөлшерде сақтаудың 24 фактісі және есірткі контрабандасының үш фактісі.

Заңсыз айналымнан 107 кг жуық түрлі есірткі, оның ішінде 26 кг синтетика, 79 кг марихуана және 1,8 кг гашиш тәркіленді.

Осылайша полицейлер 78 мыңға жуық синтетикалық есірткінің бір реттік дозасын айналымға жібермеді.

– Бұл бағыттағы шаралар жалғасып жатыр. Қорытындысы министрліктің брифингінде айтылады, – деді спикер.


скачать dle 11.1смотреть фильмы бесплатно
Егер мәтінде қате байқасаңыз, оны таңдап, Ctrl+Enter пернелерін басыңыз
ҚАЗІР ОҚЫП ЖАТЫР
для добавления комментариев
Уже зарегистрированы?
ПІКІР ҚАЛДЫРУ
Или водите через социальные сети
Кликните на изображение чтобы обновить код, если он неразборчив
Димаш Құдайберген Ақтөбе облысының құтқарушыларына алғысын білдірді
Димаш Құдайберген жаңа бейнебаяны шыққанын сүйіншіледі
Димаш Құдайберген аты аңызға айналған опера әншісімен бірге ән айтты
Әлем жұлдыздары Астанада өткен Қысқы қайырымдылық балын қолдады
Димаш Құдайберген Сербияда беделді «Ағайынды Карич қоры» сыйлығын алды
Мультимедиа
Олжас Бектенов Nazarbayev University ғылыми әзірлемелерімен танысты
Қасым-Жомарт Тоқаев Қазақстан мен Әзербайжанның Жоғары мемлекетаралық кеңесінің бірінші отырысына қатысты
Қасым-Жомарт Тоқаев «Болашақтың ойындары» халықаралық турнирінің ашылу рәсіміне қатысты
Қасым-Жомарт Тоқаев Президенттік жастар кадр резервінің форумына қатысты
Олжас Бектенов IV қысқы жасөспірімдер арасындағы Олимпиада ойындарының жеңімпаздарына Мемлекет басшысының алғыс хаттарын табыс етті