Елордалық дәрігерлер коронавирус инфекциясының алғашқы белгілері байқалған сәтте медициналық көмекке жүгінуді және дәрігерлердің тағайындауын естен шығармау қажеттігін айтуда, деп хабарлайды kazlenta.kz Нұр-сұлтан қаласының әкімдігіне сілтеме жасай отырып.
Бұл үшін Медициналық-санитариялық алғашқы көмек көрсету ұйымдарында ЖРВИ мен КВИ симптомдары бар науқастардан басқа науқастардан бөлек қабылдауға арналған сүзгі-кабинеттер жұмыс істейді.
Қалалық қоғамдық денсаулық сақтау басқармасының мәліметінше, соңғы екі айдың ішінде жүгінген 15 мың адамның 323-нен COVID-19 инфекциясы анықталған. Оның ішінде науқастардың 25 проценті Инфекциялық стационарларға жатқызылды.
– Қазір қала тұрғындары арасында үйде емделу және дәрігердің тағайындауынсыз вирусқа қарсы препараттарды қабылдау жағдайға көбеюде. Мұндай өзін-өзі емдеудің салдары науқастардың жұқпалы аурулар ауруханаларына ауыр жағдайда жатқызумен аяқталуда. Бүгінгі таңда мұндай пациенттердің саны 11 адамды құрайды, – дейді басқарма басшысының орынбасары Әлия Рүстемова.
Сонымен қатар, маман елордалық Денсаулық сақтау жүйесінің басты мақсаты ауруды ауыр асқынуларға жеткізбеу екенін атап өтті. Бұл көбінесе адамдардың үйде өзін-өзі емдеуіне байланысты орын алады деді.
Қазіргі таңда Нұр-Сұлтан қалсында МСАК ұйымдарының жанында 80-нен астам сүзгі-кабинет жұмыс істейді. Мұндай кабинеттердің негізгі міндеті – жіті респираторлық вирустық инфекция симптомдары бар пациенттерді анықтау және оқшаулау. Тексеру нәтижелері бойынша пациент ПТР-зерттеуге жіберіледі.
Басқармада қала емханалары жанында ЖРВИ және КВИ юелгілері бар науқастарға үйде қызмет көрсетуге арналған мобильді бригадалар жұмыс істейді. Мобильді топтар үй карантиніндегі пациенттерді бақылау, коронавирусқа талдау алу, дәрілік заттарды жеткізу секілді қызметтерді жүзеге асырады.