Желіде Каспий теңізіне жүргізушінің экскаватормен кірген сәті таспаланған видео тарады, деп хабарлайды kazlenta.kz тілшісі Ulysmedia.kz сайтына сілтеме жасап.
Қоғам наразылығын тудырған видеоға Маңғыстау облыстық полиция департаменті түсініктеме берді.
«Ақтау қаласы полиция басқармасының патрульдік полиция батальонының қызметкерлері жүргізушінің жеке басын анықтады. 29 жастағы жүргізушіге ҚР ӘҚБтК 593 және 620-баптары бойынша екі әкімшілік хаттама жасалды», – делінген полиция хабарламасында.
Сондай-ақ мұндай құқық бұзушылықтардың алдын алу бойынша профилактикалық әңгіме жүргізілген.