Өткен тәулікте елімізде коронавирус инфекциясын жұқтырудың 725 жағдайы расталды. Бұл туралы COVID-19 таралуына жол бермеу жөніндегі ведомствоаралық комиссия ресми Telegram-арнасында хабарлады.
Соңғы үш күнде ауру көрсеткіші әр түрлі. Мәселен, 21 тамызда елімізде коронавирус жұқтырған 478 науқас тіркелсе, 22 тамызда – 328, ал 23 тамызда – 668 жағдай расталған. Ал өткен тәулікте аныұталған 725 жағдайдың ішінде: Нұр-Сұлтан қаласында - 137, Алматы қаласында - 35, Шымкент қаласында – 10, Ақмола облысында – 83, Ақтөбе облысында – 27, Алматы облысында - 4, Жетісу облысында - 3, Атырау облысында - 28, Шығыс Қазақстан облысында - 24, Абай облысында - 12, Жамбыл облысында - 8, Батыс Қазақстан облысында - 78, Қарағанды облысында - 93, Ұлытау облысында - 10, Қостанай облысында - 61, Қызылорда облысында - 9, Маңғыстау облысында - 24, Павлодар облысында - 41, Солтүстік Қазақстан облысында - 34, Түркістан облысында - 4. 25 тамыздағы жағдай бойынша эпидемиологиялық ахуалды бағалау матрицасына сәйкес, Қазақстанның барлық өңірі жасыл аймақта.
25-08-2022, 09:20
Қазақстанда өткен тәулікте 700-ден астам адамнан коронавирус анықталды
Егер мәтінде қате байқасаңыз, оны таңдап, Ctrl+Enter пернелерін басыңыз