Құзырлы органның мәліметінше, Междуречинск ауылының тұрғынына қатысты Қылмыстық кодекстің 202-бабы ("Бөтеннің мүлкін қасақана жою немесе бүлдiру") бойынша сотқа дейінгі тергеу материалы тіркелген.
"Қазіргі уақытта сотқа дейінгі тергеу жалғасып жатыр. Қажетті тергеу шараларының барлығы жүргізілуде. Әкімшілік құқық бұзушылық (ӘҚБтК-нің 434-бабын) жасағаны үшін 20 шілде мамандандырылған ауданаралық әкімшілік сотының қаулысымен азамат Р.-ға әкімшілік жаза тағайындалды. Ол 10 тәулікке қамауға алынды", - деп хабардар етті Алматы облыстық полиция департаментінің баспасөз қызметі.
Еске сала кетейік, бұған дейін желіде Алматы облысында жол талғамайтын көлік мінген ер адамның жылқыны аяусыз, әдейі басқан жантүршігерлік видеосы тараған еді.