Қызылорда қаласында танысын атып, жарақаттады деген күдікпен ер адам ұсталды, деп хабарлайды Астана арнасына сілтеме жасаған kazlenta.kz
Телеарнаның мәліметінше, оқиға қаланың сол жағалауындағы көпқабатты үйлердің алдында түс кезінде болған. 56 жастағы азамат атыс қаруымен 43 жастағы әйелді жарақаттап, қашып кеткен. Бірақ жедел іздестіру барысында көп ұзамай қолға түскен. Одан айғақ заттар тәркіленген.
Қызылорда қалалық ПБ тергеу бөлімінің бастығы Рақымжан Сұтанқұловтың айтуынша, аталған дерек Қылмыстық кодекстің 14-бабының 3-бөлігі, 99-бабының 1-бөлігі бойынша тіркеліп, қазір сотқа дейінгі тергеу жүріп жатыр. Телеарнаның дерегінше, оқ жәбірленушінің сол жақ жамбасына тиген. Салдарынан оның ішкі мүшелері зақымданған. Қазір әйел қалалық аурухананың жансақтау бөлімінде жатыр.
7-10-2022, 15:36
Қызылордада тұрғын тал түсте таныс әйелді атып кеткен
Егер мәтінде қате байқасаңыз, оны таңдап, Ctrl+Enter пернелерін басыңыз