"Amanat партиясының төрағасы Ерлан Қошанов кезектен тыс XXIV съезді 6 қазанға Астана қаласына шақыру туралы қаулыға қол қойды. Съезд жұмысына еліміздің барлық аймағынан делегаттар қатысады. Орталық аппарат өңірлік филиалдармен бірге дайындық іс-шараларын қолға алды", - делінген хабарламада.
Айта кетейік, Amanat партиясының кезектен тыс XXIII съезі биылғы сәуірде Астана қаласында өткен еді. Съездге мемлекет басшысы Қасым-Жомарт Тоқаев қатысып, Amanat партиясының төрағасы ретінде өкілеттігін тоқтатып, партиядан шығу туралы шешім қабылдағанын мәлімдеді. Партияның төрағасы болып мәжіліс спикері Ерлан Қошанов сайланды. Сондай-ақ Adal партиясы Amanat партиясымен бірікті.