"Батыс су арнасының" екі қызметкері Оралдағы ағын суға батып кетті. Төтенше жағдай 24 тамыз күні сағат 11 шамасында №2 кәріздік сорғы станцсасында болды. Оқиға орнына кәсіпорын басшысы барды, деп хабарлайды KAZ.NUR.KZ-ке сілтеме жасаған kazlenta.kz
"Батыс су арнасы" ЖШС Бас директоры Әнуар Әркенов оқиға орнында 1971 және 1982 жылдары туған екі қызметкер ысырманы ауыстыру бойынша жөндеу жүргізгенін хабарлады. Алдын ала мәліметтер бойынша ысырма жұлынып кетіп, кәріз сорғы станциясын ағынды су басып қалған. Екі қызметкер де батып кетті.
Кәсіпорын қаза тапқандардың отбасыларына қажетті көмек көрсетуге уәде беріп отыр. Екі қызметкер де аталған ЖШС-де ұзақ уақыт жұмыс істеген. 1982 жылы туған ер адамның туған ағасы марқұмның артында үш баласы қалғанын айтты. Оқиға орнына полиция қызметкерлері барды. Марқұмның денелері судан шығарылды.
25-08-2022, 13:10
Оралда коммуналдық кәсіпорынның екі қызметкері ағын суға батып кетті
Егер мәтінде қате байқасаңыз, оны таңдап, Ctrl+Enter пернелерін басыңыз