Болат Жұмабеков тұрғындармен онлайн-форматта есеп беру кездесуiн өткiздi. Аймақ басшысы Құмар Ақсақалов та байланыста болды. Облыс әкiмi әкiмнiң есебiн тыңдап, сонымен бiрге Петропавлды дамытудың алдағы жылдарға арналған жоспарлары туралы айтты.
Аймақ басшысының айтуынша, қалалық ортаны жақсарту және дамыту — бұл алдағы жылдың басты мiндеттерiнiң бiрi. Соңғы 3 жылда 359 аулаға асфальт төселдi, бұл 61% құрайды. Тегiн автотұрақтар, шлагбаум мен қоршау, балалар мен спорт алаңдары орнатылды. Өткен жылы 7 жаңа саябақ пайда болды, 10 көшенi жарықтандыру жақсартылды.
Биыл көппәтерлi тұрғын үйлердi жаңғырту жоспарланған. Кезекте тұрған 35 үйдiң шатыры жөнделедi. Сондай-ақ, 8 үйдегi лифттердi ауыстыруға қаражат бөлiндi.
Жұмабаев көшесiн кеңейту жоспарланып, Брусиловскийге өтетiн жол пайда болады. Билiк қазiрдiң өзiнде жолдарға шамамен 1 миллиард теңге бөлдi, және бұл қаражат жыл iшiнде ұлғайтылатын болады.
«Жаңа қала» бағдарламасы бойынша тозығы жеткен үйлердi бұзу жалғасады. Құрылыс қаланың болашағы бар үш ауданында — «Жас Өркен», «Береке» және Уалиханов көшесiнiң бойында жүргiзiлмек. Сондай-ақ, «Копай» және «Набережный» шағын аудандарын салу жоспарда бар.
Бұл арада қоғамдық көлiк мәселесi әлi шешiмiн тапқан жоқ.
«Жоспарланған 100 автобустың тек 7-уi алынды, әр түрлi кешiктiру ұзақ процедураларға алып келедi. Адамдар күн сайын тасымал сапасына шағымдануда», — деп атап өттi аймақ басшысы. Құмар Ақсақалов Болат Жұмабековке жұмысты күшейтiп, бастаманы өзiнiң логикалық қорытындысына жеткiзудi тапсырды.
Содан кейiн облыс әкiмi қала тұрғындарының сұрақтарына жауап бердi. Халықты тұрғын үйлердi салу және аулаларды абаттандыру тақырыптарына қызығушылық танытты. Сондай-ақ, денсаулыққа қатысты мәселелерд де қозғалды.