Күн тәртібіне сай өткізілген кездесу барысында кандидаттар өздерін таныстырып, «Өзгерістер жол: Әр азаматқа лайықты өмір» атты партияның сайлауалды бағдарламасы мен алдыға қойған мақсаттары туралы толыққанды ақпарат беріп өтті.
Кандидаттар еркін форматта өткізілген кездесу барысында назарды «Nur Otan» партиясының Сайлауалды бағдарламасында Байзақ ауданында тұрғындар үшін жайлы жағдай қалыптастыру үшін қандай жұмыстар атқару қажеттігіне аударды. Атқарылар шаралар қатарында ауылдық елдімекендерде жолдар салу және жөндеу, ауыз сумен қамту, бизнестің, өнеркәсіптің және ауыл шаруашылығы саласының жедел қарқынмен дамуына жағдайлар жасау мәселелері бар.
«Nur Otan» партиясы, бұрынғыша өзінің басты мақсаты ретінде халықтың әл-ауқатын, әр отбасының тұрақты, жайлы өмір сүруін қамтуды санап, дәл осы бағытқа бар күш-жігерін жұмсайтын болады. Ауданымыздың өркендеп, дамуына бағытталған осы жұмысты партиямен бірге жалғастырайық», - деді кандидаттар ой бөлісушілерге арнаған сөздерінде.
Тұрғындар сайлауда жеңіске жетулеріне тілектестіктерін білдіріп, өздерінің ұсыныс-пікірлерін айтты.
«Nur Otan» партиясының Жамбыл облысы Байзақ ауданының Сайлау қорының қаражатынан төленді.